Da’ gok lo’ Nueva España, nha’ Yishwelhab golhe Florentino, da’ zan koen yishwelhab nchhen nha’ nyojen chop dilla’, chho’en dilla’ ka tsa’lhalle’ nha’ ka gosakk che mexicas ka’. Shilline yish welhab ki, bosochide’ laga’ chen nha’ beyaken shone koen, da’ nhi bosozoj to xonj bene’ sinha’ nahuas, Fray Bernardino Sahagún goklhenhe’ le gake’. Iz 1576, katen gwchhe’ to yillwe’ walh basha’ la gwtashteksen bene’ yell xhon lle’ lhatj Sita’ nha’, yillwe’nha’ beten tap bene’ lhao gayoe’, danhan bene’ golh sinha’ ki bi besebelle gate’ nha’ neka besellebe’ yesoxe’ Inkision le’, kan gok bosozalhawe’ byoj yogo’ yish welhab walh nhi. Wechhen ka’ besebeje nhis chhen (bosochinhe’ yej nha’ berinko’da’o chhesash, ench gok gwzoa chach gwbillen ka benebyokse, nha’ yej yo bzoa chache’ ka nho’lhe), ench gwlhoe’yanen kan gosak che gake’. Danhan nchhenhen kan sjanhak dan bosochinhe’.